Sera d’está! Pusilleco lucente
Canta canzone e addora d’erba ’e mare...
Voglio ’e pparole cchiů d’ammore ardente
Voglio ’e pparole cchiů gentile e care
Pe’ dí „te voglio bene” a chi mme sente

Ma d’’e pparole cchiů carnale e doce
Ne sceglio sulo tre: „Te voglio bene...”
Bella, ’int’’o core tujo sacc’io chi tiene...
Chi sta ’int’’o core mio saje pure tu...

P’’o mare ’e Napule
Quant’armunia!
Saglie ’ncielo e, ’ncielo, sentono
Tutt’’e stelle, ’a voce mia:
Voce, ca tennera
St’ammore fa

Notte d’está! Se só’ addurmute ’e ccase...
E ’o cielo, a mare, nu scenario ha stiso!
Staje ’mbracci’a me, ’nnucente só’ sti vase...
Bella, stanotte, te só’ frato e sposo...
Stanotte, Ammore e Dio, sóngo una cosa...

Canta: e da ’o suonno Napule se sceta...
Ridono ’e vvocche ca se só’ vasate...
Tutt’’e suspire ’e tutt’’e ’nnammurate
Suspirano, stanotte, attuorno a te...

P’’o mare ’e Napule
Quant’armunia!
Saglie ’ncielo e, ’ncielo, sentono
Tutt’’e stelle, ’a voce mia:
Voce, ca tennera
St’ammore fa